MEPUTSO: 80
NAKO: 2 diiri
Palomoka ya matlakala a dipotšišo ke 6.
LEPHEPHE LA BOBEDI (P2)
DITAELO
Lephephe le, le arotšwe ka dikarolo tše THARO, e lego ya A, B le C.
KAROLO YA A:
Ditaodišo 
KAROLO YA B:
Ditšweletšwa tša tirišano tše telele 
KAROLO YA C:
Ditšweletšwa tša tirišano tše kopana 
Araba potšišo e TEE karolong ye nngwe le ye nngwe.
Šomiša polelo yeo o lekolwago ka yona.
Thoma karolo ye NNGWE le ye NNGWE letlakaleng le LEFSA.
Beakanya (ka tsela ya mmepe wa monagano, seswantšho, mantšu a bohlokwa le tše dingwe) o be o badišiše le go dira palobohlatse. Peakanyo ya gago e tšwelele pele ga taodišo ya gago.
Peakanyo e bonagale gabotse. E laetše ka go thala mothalo wa go putla.
Šomiša metsotso ye e ka bago 60 go KAROLO YA A, ye 30 go KAROLO YA B, le ye 30 gape go KAROLO YA C.
Dikarabo di nomorwe go ya le ka fao dipotšišo di nomorilwego ka gona.
Efa karolo ye nngwe le ye nngwe hlogo ya maleba.
Ngwala ka bothakga le ka mongwalo wa go balega.
KAROLO YA A: DITAODIŠO
POTŠIŠO 1
Kgetha e TEE ya dihlogo tše di latelago gomme o ngwale mantšu a e ka bago a 200 - 250 ka yona.
Ngwala taodišo ka seswantšho se.
GOBA
Ke ka lebaka leo ke kgethago go se be le ngwana le ge ke nyetše/nyetšwe.
O ka ngwala ka dintlha tše di latelago:
Mabaka a kgetho ya gago
Mohola wa kgetho ya gago
GOBA
Bophelo ke leotwana leo le dikologago.
O ka ngwala ka dintlha tše di latelago:
Tšeo o di lemogilego bophelong
Dikeletšo tšeo o ka fago batho ka merero ya bophelo
Boitemogelo bja gago ka bophelo
GOBA
Botho
O ka ngwala ka dintlha tše di latelago:
Lerato
Phedišano
Tlhomphano
Thušano
Kwelobohloko gare ga batho.
GOBA
Lebeledišiša seswantšho sa ka tlase gomme o ngwale taodišo ka sona.
GOBA
Ngwala taodišo ka seswantšho se.
Seswantšho sa boitlhamelo
GOBA
Lebeledišiša diswantšho tše gomme o ngwale taodišo ka tšona.
GOBA
Boitapološo bja go nkweša pelo.
O ka ngwala ka dintlha tše di latelago:
O rata go itapološa ka go dira eng
Ke ka lebaka la eng boitapološo bjoo bo go weša pelo
Mehola le go hloka mohola ga mokgwa wo wa gago wa go itapološa
PALOMOKA YA KAROLO YA A:
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Kgetha se TEE sa ditšweletšwa tše telele tše di latelago gomme o ngwale mantšu a e ka bago a 80 - 100 ka sona.
Boraditaxi motseng wa geno ba otlela bošaedi. Ngwalela ba lekgotla la dinamelwa lengwalo o laetše go se kgotsofale ga gago.
GOBA
Ba lekgotla la motse wa geno ba go kgopetše go ba nyakišišetša ka thelebišene ya digital ye e tlago. Ngwala pego ya semmušo.
GOBA
Ngwala ditshwayatshwayo ka filimi ye o e bonego sekolong sa lena.
GOBA
O laleditše setsebi mererong ya Kgoro ya Mešomo go tla go hlahla baithuti sekolong sa geno. Ngwalela dikolo tša kgauswi le sa geno lengwalo la taletšo go ba gona kopanong yeo.
PALOMOKA YA KAROLO YA B:
KAROLO YA C: DITŠWELETŠWA TŠA TIRIŠANO TŠE KOPANA
POTŠIŠO 3
Kgetha se TEE sa ditšweletšwa tše kopana tše di latelago gomme o ngwale mantšu a e ka bago a 60 - 80 ka sona.
Ngwalela baithuti ba mphato wa gago ditaelo tšeo ba swanetšego go di latela ge ba ngwala ditlhahlobo go ya ka moo morutiši a go laetšego.
GOBA
Naga ka moka e lebane le bothata bja tlhaelelo ya mohlagase. Ngwala lephephetsebiši leo go lona o sedimošago badudi ba motse wa geno ka moo ba ka seketšago mohlagase ka gona.
GOBA
Morutiši wa gago o go thušitše go hwetša pasari ya go ithutela bokgabo go la Engelane. Mo ngwalele poskarata o leboge o be o mmotše ka moo o ipshinago ka nageng yeo.
PALOMOKA YA KAROLO YA C:
PALOMOKA YA TLHAHLOBO:
